പുതുമഴ

മീനമാസ കൊടും ചൂടില്‍

സൂര്യന്‍ ജ്വലിച്ചു പവന്‍ പോലെ

വറ്റി വരണ്ടു ജലാശയങ്ങള്‍

സ്വപ്നം കരിഞ്ഞ മനസ്സുപോലെ

സര്‍വ ചരാചര ജീവികളും

സസ്യങ്ങള്‍ വാടിയ ഭൂതലവും

ഒരു തുള്ളി ദാഹജലത്തിനായി

കേഴുന്ന വേഴാമ്പല്‍ പൊലെയായീ

അന്നേരം സൂര്യന്‍ മറഞ്ഞു വെങ്ങോ

കാര്‍മേഘമാലകള്‍ വന്നണഞ്ഞു

ആദ്യത്തെ നീര്‍ത്തുള്ളി നെറുകയില്‍ വീണു

മനമാകെ കോരിത്തരിച്ചു പൊയീ

പുതുമണ്ണിന്‍ ഗന്ധം പരന്നു ചുറ്റും

പുതുമഴ തന്നൊരുണര്‍വുമായി

പക്ഷികള്‍ ചിറകടിച്ചുയര്‍്ന്നു പാടി

പുതുമഴ കൊണ്ടതിലാനന്ദമായ്

സസ്യലതാദികള്‍ കുമ്പിട്ടു നിന്നു

നീര്‍ തന്ന മാനത്തെ വന്ദിക്കുവാന്‍്

ഞാനുമാ മഴയെ നോക്കി നിന്നു

മനസ്സില്‍ തളിരിട്ട പ്രണയത്തോടെ