പ്രണയം
നിന്നില്‍ എനിക്കുള്ള മോഹമാണ് പ്രണയമെങ്കില്‍
നിന്നില്‍ എനിക്കുള്ള വിശ്വാസമാണ് പ്രണയമെങ്കില്‍
നിന്നോട് എനിക്കുള്ള സ്നേഹമാണ് പ്രണയമെങ്കില്‍
നിന്റെ ഹൃദയതാളം അറിയുന്നത് പ്രണയമാവുമെങ്കില്‍
നിന്റെ സ്നേഹിതരോട് അസൂയ തോന്നുന്നത് പ്രണയമാവുമെങ്കില്‍
നീ അടുത്തെത്തുമ്പോള്‍ ഉള്ളു മിടിക്കുന്നത്‌ പ്രണയമാണെങ്കില്‍
നിന്റെ സാമീപ്യം കൊതിക്കുന്നത് പ്രണയമാണെങ്കില്‍
നിനെ കാണുവാനായി കരള്‍ വെമ്പുന്നത് പ്രണയമാണെങ്കില്‍
നീ വരാതിരുന്നാല്‍ ഹൃദയം തേങ്ങുന്നത്‌ പ്രണയമാണെങ്കില്‍
നിന്റെ ഓര്‍മ്മകളെ ഓമനിക്കുന്നത് പ്രണയമാവുമെങ്കില്‍
എന്റെ സ്വപ്നങ്ങളില്‍ നീ നിറയുന്നത് പ്രണയമാവുമെങ്കില്‍
നിന്റെ വേദനയില്‍ ഉരുകുന്നത് പ്രണയമാവുമെങ്കില്‍
എന്റെ വേദനയില്‍ നിന്നെ ഓര്‍ക്കുന്നത് പ്രണയമാവുമെങ്കില്‍
നിന്റെ പുഞ്ചിരിയില്‍ സന്തോഷിക്കുന്നതാണ് പ്രണയമെങ്കില്‍
നിന്നോട് സംസാരിക്കുവാന്‍ കൊതിക്കുന്നതാണ് പ്രണയമെങ്കില്‍
നീ മിണ്ടാതിരുന്നാല്‍ മനസ്സ് അസ്വസ്തമാവുന്നതാണ് പ്രണയമെങ്കില്‍
നിന്നെ…..നിന്നെ ഞാന്‍ അതി മനോഹരമായി പ്രണയിക്കുന്നു........
No comments:
Post a Comment